محمد ابوتريكة يوجه رسالة لمنتخب مصر والجماهير العربية
أوقعت قرعة المرحلة الأخيرة من تصفيات كأس العالم 2022 بأفريقيا، والتي أجريت يوم السبت في دوالا بالكاميرون ، منتخب مصر في مواجهة السنغال.
ووجه محمد ابوتريكة رسالة خاصة للمنتخب المصري والجماهير العربية .. كرة القدم تُجمع ولا للتعصب.
وافتتح كلامه بقوله”كل واحد يقولك كوت ديفوار هتكسب مصر احنا مصر ياجماعه كسبنا الجيل الذهبي لكوت ديفوار بدروجبا وعبدالقادر كيتا ويايا توريه فالولاد لازم يكون عندهم ثقة العب بشخصية البطل متخفشي من حد العب بشخصة مصر وتي شيرت منتخب مصر بص كدا هتلاقي عليه 7 نجوم أوعي تخاف من حد هما اللي يخافوا منك”.
وأكمل : “والله العظيم ياعبدالعزيز المنتخبات دي لما كنا بننزل نلاعبهم كانو مرعوبين والله العظيم مرعوبين في 2008 ايتو رئيس الكاميرون دا هو الوحيد اللي كان بيتكلم في الممر وهما نازلين والباقي مرعوب عشان خسر في الافتتاح مننا 4 لذلك بقول لرجالة منتخبنا متخافوش وكل ماتخاف بص علي الـ7 نجوم يطمنوك أوعي تخاف وان شاء الله مستوانا هيتبدل وهنبقي أحسن وكل ما الناس تتناسي افتكر أنك عندك أحسن لاعب في العالم محمد صلاح عندنا أمل كبير فيه وفي منتخبنا .”
واختتم حديثه ب”رسالة اخري كرة القدم تجمع العرب وليس تفرق العرب ولا للتعصب في الاخر هي لعبة لا هتقدم ولا هتأخر فالجميع يهدي كدا ونتمني الخير للجميع انا مصري أتمني تونس تكسب نيجيريا أتمني ان المغرب تكسب مالاوي أتمني البطل يكون عربي فالأمور تهدي والجميع يهدي كرة القدم تجمع واخرها كأس العرب فلا للتعصب ولا للكراهية أتمني الخير للجميع” .
محمد ابوتريكة يوجه رسالة لمنتخب مصر والجماهير العربية
رسالة خاصة من أبوتريكة @trikaofficial للمنتخب المصري
?? والجماهير العربية .. كرة القدم تُجمع ولا للتعصب#تصفيات_كأس_العالم_2022 | #قطر_2022#Qatar2022 | #WCQ2022 pic.twitter.com/cQDTJuMMEc— beIN SPORTS (@beINSPORTS) January 22, 2022
